काठमाडौं ।जनैपूर्णिमा तथा रक्षाबन्धनको अवसरमा काठमाडौँको पशुपतिनाथ मन्दिरमा बिहानैदेखि भक्तजनको ठूलो भीड लागेको छ।
विशेष धार्मिक महत्व बोकेको यस पर्वमा श्रद्धालुहरू भगवान् पशुपतिनाथको दर्शन तथा पूजाआराधना गर्न मन्दिर पुगेका छन्। मन्दिर परिसरमा जनै फेर्ने, रक्षासूत्र तथा डोरो बाँध्ने र विभिन्न धार्मिक अनुष्ठान गर्ने भक्तजनको चहलपहल बढेको छ।जनैपूर्णिमाका दिन विशेषगरी हिन्दु धर्मावलम्बीहरूले पुरानो जनै परिवर्तन गरी नयाँ जनै धारण गर्ने तथा हातमा रक्षाबन्धनको डोरो बाँध्ने परम्परा रहँदै आएको छ। सोही परम्पराअनुसार पशुपति क्षेत्रमा पनि भक्तजनले धार्मिक विधिपूर्वक पूजाआजा गरिरहेका छन्।मन्दिर परिसरमा बिहानैदेखि श्रद्धालुको आवागमन बढेपछि पशुपति क्षेत्र धार्मिक तथा सांस्कृतिक गतिविधिले भरिएको देखिएको छ। पर्वका अवसरमा भक्तजनले परिवारको सुख, शान्ति र समृद्धिको कामना गर्दै पशुपतिनाथको पूजा तथा दर्शन गरेका छन्।जनैपूर्णिमालाई विभिन्न समुदायले आ–आफ्नै धार्मिक तथा सांस्कृतिक परम्पराअनुसार मनाउने भएकाले देशभर आज धार्मिक उत्साह र उल्लास देखिएको छ।
