काठमाडौं । ट्राफिक प्रहरीले काठमाडौं उपत्यकाका विभिन्न स्थानमा गरेको चेकजाँचका क्रममा पछिल्लो २४ घण्टामा ९९१ जना सवारी चालकलाई कारबाही गरेको छ ।
शुक्रबार बिहानसम्म काठमाडौं उपत्यकाका विभिन्न स्थानमा ट्राफिक प्रहरीले सञ्चालन गरेको जाँचका क्रममा मादक पदार्थ सेवन गरी सवारी चलाउने ०९, सिसिटिभिमार्फत ६५, रातोबत्तीमा ४७ जना चालकलाई कारबाही गरिएको छ । तीमध्ये तीव्र गतिमा सवारी चलाउने चालकको संख्या सबैभन्दा बढी रहेको प्रहरीले जनाएको छ ।यसैगरी, तीव्रगतिमा १४४, हर्न निषेधमा ३४, लेन क्रसमा ४५, अवस्था ठिक नभएको ४१, एकतर्फीमा ०९ र अन्यमा ५९७ जना चालकलाई कारबाही गरिएको ट्राफिक प्रहरीले जनाएको छ ।
