एजेन्सी– बिहान खाली पेटमा एसिडको मात्रा अत्याधिक हुने गर्दछ। यस्तो अवस्थामा बढी एसिडिटीयुक्त खानेकुरा खाँदा शरीरको पाचनशक्तिमा गढबढ हुन आउँछ।
बिहान खाली पेटमा खान नहुने चीजहरुः
दुध– दुधमा प्रोटिनको मात्रा बढी पाइन्छ। यसले पेटको मांसपेशीलाई कमजोर बनाउँछ। बिहान खाली पेटमा दुध पिउँदा खोकीको समस्या हुनसक्छ। साथै बिहान दुधबाट बनेका उत्पादन पनि सेवन गर्नु हुँदैन।
दही– बिहानै दही पनि खानु राम्रो होइन, किनभने दहीबाट पेटमा हाइड्रोक्लोरिक एसिड बढ्ने गर्छ। यसमा भएको ल्याक्टिक एसिडबाट ब्याक्टेरियालाई नष्ट समेत गर्छ।
केरा– तौल बढाउनको लागि प्रायः मानिस केरा खाने गर्छन्। बिहान उठेर केरा खाँदा यसले शरीरको पाचनप्रक्रिया बिग्रने खतरा हुन्छ। बिहान केरा सेवन गर्दा क्यालसियम र म्याग्नेशियमको सन्तुलन बिग्रन्छ।
ग्रीन टी वा चिया– धेरैजसो व्यक्ति बिहान उठेपछि ग्रीन टी वा चिया पिउने गर्छन्। यसले स्वास्थ्यमा नराम्रो असर पर्छ। चियामा रहेको कैफीन तत्वबाट शरीरमा एसिडको मात्रा बढ्न जान्छ र यसले पाचनशक्तिमा समस्या गर्छ।
गोलभेँडा– गोलभेँडामा अत्याधिक एसिड हुन्छ। यसले एसिडिटीको खतरा बढाउँछ। त्यसैले बिहान उठ्ने वितिकै गोलभेँडको परिकार नखाँदा राम्रो हुन्छ।
