काठमाडौं । वीरगञ्जस्थित सवारी चालक अनुमतिपत्र (लाइसेन्स) ट्रायल सेन्टरमा परीक्षार्थीसँग अतिरिक्त रकम असुल्ने गरिएको आरोप लागेको छ।
परीक्षार्थीका अनुसार ट्रायलका लागि निजी मोटरसाइकल प्रयोग गराउने भन्दै प्रतिव्यक्ति ३०० रुपैयाँसम्म अतिरिक्त रकम लिने गरिएको छ। ट्रायल सेन्टरमा बाहिरबाट निजी सवारीसाधन ल्याएर परीक्षार्थीलाई प्रयोग गराउने र त्यसबापत रकम लिने गरिएको उनीहरूको दाबी छ।
यस विषयमा सञ्चारकर्मीले सम्बन्धित पक्षसँग प्रश्न गर्दा आफूहरूको संलग्नता नरहेको दाबी गरिएको बताइएको छ। ट्रायल सेन्टरमा निजी सवारीसाधन प्रवेश गर्न पाउने व्यवस्था, त्यसका लागि दिइएको अनुमति तथा परीक्षार्थीसँग रकम लिइएको विषयमा भने प्रश्न उठेको छ। घटनाबारे सम्बन्धित निकायबाट आवश्यक छानबिन भए आरोपको वास्तविकता स्पष्ट हुने देखिन्छ।
