काठमाडौं– नेपाली भान्सामा मसलाको रुपमा सुकुमेल लाई प्रयोग गरिन्छ। यो स्वास्थ्यका लागि निकै उपयोगी मानिन्छ। यसले कोलेस्टेरोल तथा क्यान्सर नियन्त्रण गर्छ, मुटुसम्बन्धी समस्याबाट राहत दिन्छ र रक्तसन्चारमा सुधार गर्छ।
यसका साथै यो दाँतसम्बन्धी रोग र मुत्रनली संक्रमणजस्तै सिस्टाइटिस, नेफ्राइटिस र गोनोरियाको उपचारका लागि पनि फाइदाजनक मानिन्छ। यो नपुंसकता, यौन उत्तेजना नहुने र चाँडै वीर्य झर्ने समस्या पनि समाधान गर्छ। यो भिटामिन र सुक्ष्मपोषक तत्वले भरपुर हुन्छ।
यसमा नियासिन, पाइरिडोक्सिन, रिवोफ्लाभिन, थियामाइन, भिटामिन ए, भिटामिन सी, सोडियम, पोटासियम, क्याल्सियम, कपर, आइरन, म्यांगनिज, म्याग्नेसियम, फोस्फोरस र जिंक पाइन्छ।
खासगरी भारत, नेपाल र भुटानको प्रमुख मसला मानिन्छ। भारत, चीन, भुटान, भियतनाम, मलेसिया, कोरिया र जापानका उष्ण क्षेत्रमा बढी मात्रामा सुकमेल पाइन्छ।
यसलाई मसलाको रानी भनिन्छ, जो मुल्यका हिसाबले तेस्रो महंगो मसला मानिन्छ। १ सय ग्राम सुकुमेलमा इनर्जी ३ सय क्यालोरी, कार्बोहाइड्रेट ८ ग्राम, प्रोटिन ११ ग्राम, फाइबर २८ ग्राम पाइन्छ भने कोलेस्टेरोलको मात्रा शुन्य हुन्छ।
सुकमेलका फाइदाः
कोलोरेक्टल क्यान्सर रोकथाम गर्छ, मुटुको रक्षा गर्छ, डिप्रेसन हटाउन सहयोग गर्छ, ग्यास्ट्रोइन्टेस्टाइनल रोग रोकथाम गर्छ, एन्टीमाइक्रोबियल तत्व पाइन्छ।
पीडानाशक तत्व पाइन्छ, दाँतको समस्या समाधान गर्छ, दमको समस्या समाधान गर्छ, रक्तसन्चार सुधार गर्छ। घाँटी सुकेको र बान्तामा उपयोगी हुन्छ, पिसाबसम्बन्धी समस्या समाधान गर्छ, श्वासको दुर्गन्ध हटाउने लगायतका फाइदा हुन्छन्।
