काठमाडौं– खाद्यान्न बालीहरु मानव जीवनका लागि अत्यावश्यक हुने भए पनि जौ धेरै फाइदाजनक हुने चिकित्सकहरु बताउँछन्। जौमा पर्याप्त मात्रामा फाइबर प्राप्त हुन्छ, जसले पाचन प्रणालीलाई एकदमै तन्दुरुस्त राख्दछ।
विशेष गरी गर्मी महिनामा पेटको समस्याबाट बच्नका लागि मद्दत गर्दछ। साथै जौ को प्रयोगले एसिडिटी, जलन आदि समस्यामा पनि मद्दत गर्दछ। जौलाई ठण्डीको ओखती पनि मानिन्छ। यसले अनुहारमा जलन तथा डण्डिफोर आदिका रोगहरूबाट बचाउँदछ। जौमा इनोजिटाल पाइन्छ जसले कोलेस्टोलको मात्रालाई नियन्त्रित राख्दछ।
स्वास्थ्यका लागि फाइदा– यसको प्रयोगले गर्मी महिनामा अल्छीपना हटाउन मद्दत गर्दछ, यसमा पर्याप्त मात्रामा फाइबर हुने कारणले गर्दा शरीरमा कब्जियत जस्ता पेटका अन्य समस्याबाट बचाउँदछ।
– यसमा हुने क्याल्सियम, पोटासियम, भिटामिन बी–कम्प्लेक्स तथा म्याग्नेसियम प्राप्त हुन्छ जसले गर्मीमा चक्कर लाग्ने, मन डराउने जस्ता सामान्य समस्याहरूका लागि फाइदाजनक हुन्छ, यसले तनाव कम गर्न एकदमै मद्दत गर्दछ।
– मधुमेह तथा ब्लड सुगर आदि समस्यामा यसको सेवनले शरीरम इन्सुलिनको मात्रा तथा ब्लड सुगरलाई नियन्त्रणमा राखी तन्दुरुस्त बनाउँदछ, एक शोधले बच्चाहरूमा यसको प्रयोगले ५० प्रतिशत तौल कम गर्न मद्दत गर्ने निस्कर्ष समेत निकालेको छ।
सौन्दर्यका लागि फाइदा– जौले अनुहार कोमल र निखार बनाउँदछ। यसको प्रयोगले अनुहारमा एउटा छुट्टै चमक दिन मद्दत गदर्छ, छालाको एलर्जीलाई यसले टाढा नै राख्नुका साथसाथै अनुहारको जलनबाट बचाउँदछ। यसलाई पानीमा पेस्ट बनाई अनुहार सफा गर्नाले अनुहारमा कोमलता ल्याउँदछ।
