काठमाडौं– बजारमा ठूलो खालको मिश्री पनि पाइन्छ। जुन धागोमा उनीएर बनाइएको हुन्छ। यसलाई घरमा पूजापाठमा प्रसादको रुपमा पनि पनि प्रयोग गरिन्छ। मिश्री खाँदा गुलियो हुने भए पनि यो मानव स्वास्थ्यका लागि निकै उपयोगी मानिन्छ। सामान्यतया होटलमा खाना खाइसकेपछि माउथ फ्रेसरनरका लागि सुपसँग मिस्रीको प्रयोग गरिन्छ।
मिस्रीको सेवन सुपसँगै गर्नाले पाचन प्रक्रिया पनि सन्तुलित रहन्छ। किनकि यसमा पाचक गुण पाइन्छ, जसले पचाउन र पेटसम्बन्धी समस्या समाधानमा सहयोग गर्दछ।
चिसौ मौसममा धेरै मानिसहरु बिरामी हुने गर्दछन्। यो मौसमा रुघाखोकी, घाँटीमा खसखस हुनु सामान्य हो। यस्तो अवस्थामा मिस्रीसँग कालो खुर्सानी पाउडर घिउलाई मिक्स गरेर राति सुत्ने समयमा सेवन गर्दा केही दिनमा नै राहत मिल्ने चिकित्सकहरु बताउँछन्।
शरीरमा हेमोग्लोविनको मात्रा कम हुँदा रगतको कमी हुने गर्दछ, जसले कमजोरी महशुस गराउँछ। यस्तोमा नियमित रुपमा मिस्रीको सेवनले शरीरमा रगतको कमि हुँन दिँदैन भने रक्त सञ्चारमा अहं भूमिका खेल्छ।
मिस्रीले शरीरमा इनर्जी दिन्छ र शरीरमा बेग्लै किसिमको फूर्ति रहिरहन्छ। नाकबाट रगत आउने समस्याका लागि पनि मिस्री अचुक औषधि मानिन्छ। नाकबाट रगत बग्ने विभिन्न कारणहरु हुन सक्छन्।
एउटा कारण भनेको अधिक गर्मी हुनु पनि हो। त्यस्तै गर्मी समयमा राति सुत्दा हात–खुट्टा भत्भती पोल्ने समस्या छ भने पनि कागती को रसमा मिसाएर मिश्री पानी खानाले त्यो समस्या समाधान हुँदै जाने चिकित्सकहरु बताउँछन्।
गर्मी समयमा मानिसहरुको नाकबाट रगत बग्ने गर्दछ। यस्तो अवस्थामा मिश्री पानी खानाले शरीरलाई शितलता प्रदान गर्दछ र रगत बग्ने समस्या समाधान हुन्छ।
