काठमाडौं । आपराधिक उपद्रव तथा डाँका सम्बन्धी कसूरमा दायर मुद्दामा रञ्जन सिंहलाई जिल्ला अदालतले पुर्पक्षका लागि थुनामा पठाउने आदेश दिएको छ।
नेपाल सरकार वादी रहेको उक्त मुद्दामा लियाकती अलीसहित ६ जना प्रतिवादी रहेका छन्। मुद्दामाथि भएको सुनुवाइपछि अदालतले सिंहलाई पुर्पक्षका लागि थुनामा राख्ने आदेश गरेको हो। अदालतको अभिलेखअनुसार आदेश १७ बमोजिम सिंहलाई पुर्पक्षका लागि थुनामा पठाउने निर्णय भएको हो। सोही मुद्दामा प्रतिवादी रहेका अन्य व्यक्तिहरूको हकमा समेत अदालतबाट आवश्यक कानुनी प्रक्रिया अघि बढाइएको जनाइएको छ। अदालतको आदेशअनुसार सिंहलाई मुद्दाको अन्तिम फैसला नभएसम्म पुर्पक्षका लागि थुनामा राखिनेछ।
