काठमाडौँ । गर्मी मौसम बढ्दै जाँदा स्वास्थ्य र दैनिक जीवनशैलीसँगै कपडाको छनोट पनि महत्वपूर्ण बन्ने गरेको छ। वास्तुशास्त्र तथा वैज्ञानिक अध्ययनले गर्मीमा हल्का रङका कपडा लगाउनु उत्तम हुने सुझाव दिएका छन्।
वास्तुशास्त्र अनुसार प्रत्येक रङले निश्चित ऊर्जा प्रवाह गर्छ। गर्मी मौसममा तापक्रमसँगै नकारात्मक ऊर्जा बढ्ने भएकाले सेतो, हल्का निलो, हल्का हरियो तथा क्रीमजस्ता रङले शरीर र मनलाई सन्तुलित राख्न सहयोग गर्ने विश्वास गरिन्छ। यता, वैज्ञानिक दृष्टिले पनि गाढा रङका कपडाले सूर्यको ताप बढी सोस्ने हुँदा शरीरमा गर्मी बढाउँछ भने हल्का रङले प्रकाश परावर्तन गरी शरीरलाई चिसो महसुस गराउँछ।
विशेषज्ञहरूका अनुसार सेतो र हल्का रङका कपडाले केवल ताप कम गर्ने मात्र होइन, मानसिक शान्ति र सहजता पनि प्रदान गर्छ। त्यसैले गर्मीमा कालो, गाढा रातो र गाढा निलो जस्ता रङका कपडाबाट सकेसम्म टाढा रहन सुझाव दिइन्छ। यसबीच, राजधानीकी एक युवतीले हल्का रङका कपडा प्रयोग गर्न थालेपछि आफ्नो दैनिक जीवनमा सकारात्मक परिवर्तन आएको अनुभव सुनाएकी छन्। उनका अनुसार पहिलेजस्तो थकान र चिडचिडापन घट्दै गएको छ भने काममा ध्यान केन्द्रित गर्न समेत सजिलो भएको छ। गर्मी मौसममा सही रङको कपडा छनोट गर्नु स्वास्थ्य र मानसिक सन्तुलनका लागि सरल तर प्रभावकारी उपाय हो।
