काठमाडौं । मेडिकल व्यवसायी दुर्गा प्रसाईँ पक्राउ परेका छन् । नेपाल प्रहरीले प्रसाईँको निवास भक्तपुरबाट उनलाई पक्राउ गरेको हो । पटकपटक पक्राउ र रिहा हुँदै आएका प्रसाईँलाई पक्राउ गर्न प्रहरी आज बिहानै उनको भक्तपुरस्थित घरमा पुगेको थियो ।
प्रसाईंले शनिबार मात्रै फेसबुक भिडिओ मार्फत चुनावसम्म आमहड्ताल आह्वान मार्फत आगजनी र तोडफोडका घटना हुन सक्ने भन्दै त्रास सिर्जना गर्न खोजेका थिए । राष्ट्र, राष्ट्रियता, धर्म, संस्कृति तथा नागरिक बचाऊ अभियानका अगुवा प्रसाईँले चुनाव विथोल्ने अभिव्यक्ति दिँदै आएका थिए । उनी केही दिनअघि मात्रै सर्वोच्चको आदेशमा रिहा भएका थिए ।
