काठमाडौँ । प्रधानमन्त्री कार्यालयमा वर्तमान प्रधानमन्त्री केपी शर्मा ओलीको भन्दा पूर्वप्रधानमन्त्री पुष्पकमल दाहाल (प्रचण्ड)को सचिवालयले बढी खर्च गरेको पाइएको छ।
प्रधानमन्त्रीको कार्यालयले हालै सार्वजनिक गरेको विवरणअनुसार तत्कालिन प्रधानमन्त्री प्रचण्डको सचिवालयले भन्दा ओलीको सचिवालयले कम खर्च गरेको हो।
प्रचण्डको सचिवालयले आर्थिक वर्ष ०८०/८१ मा ६ करोड २१ लाख ३५ हजार १२७ रुपैयाँ खर्च गर्दा ओलीको सचिवालयले गत आर्थिक वर्ष ०८१/८२ मा ४ करोड १४ लाख ७० हजार ८७३ रुपैयाँ खर्च गरेको हो।सार्वजनिक विवरण अनुसार ओलीको सचिवालयले प्रचण्डको सचिवालयले भन्दा २ करोड ६ लाख ६४ हजार ३५३ रुपैयाँ कम खर्च गरेको छ।
