अमेरिका -२८ वर्षीया ममता काफ्ले भट्ट, पेसाले नर्स, गत जुलाईदेखि अमेरिकामा हराएकी छन्। उनका पति नरेश भट्टले अगस्त ५ मा प्रहरीमा ममता हराएको उजुरी दिएका थिए, तर अन्यले ममतालाई अन्तिम पटक जुलाई २८ मा देखेका थिए। यो घटनाले गहिरो अनुसन्धानको आवश्यकता औंल्याएको छ।
नरेश भट्ट पक्राउ र न्यायिक प्रक्रिया
अमेरिकी प्रहरीद्वारा नरेश भट्टलाई अगस्ट २२ मा पक्राउ गरिएको थियो। उनलाई ममताको हत्या गरी शव लुकाएको आरोपमा हिरासतमा राखिएको छ। न्यायाधीशले नरेशलाई धरौटीमा रिहा गर्न अस्वीकार गरेका छन्, किनकि उनी समुदायका लागि 'खतरा' हुनसक्ने प्रमाण प्रस्तुत भएको छ। यस विषयमा डिसेम्बर ९ बाट सुनुवाइ सुरु हुनेछ, र यसअघि बिहीबार नरेश पुनः अदालतमा उपस्थित हुनेछन्।
नरेशका वकिलको दाबी
नरेशका वकिल सालेभ बेन अब्राहमले नरेशलाई ममता हराएको उजुरी दर्ता गर्न नभनिएको दाबी गरेका छन्। उनले नरेशले 'वेल्फेयर चेक'को क्रममा उजुरी दर्ता नचाहेको भनेको कमनवेल्थको दाबी गलत रहेको तर्क गरेका छन्। वकिलले प्रहरी क्याप्टेन स्टेभन लभिङले पठाएको पत्रको विषयमा पनि जिकिर गरेका छन्, जसमा ममताको शव घरबाट घसिटेर बाहिर लगेको उल्लेख छ।
प्रहरीले नरेशविरुद्धको प्रमाणको दाबी
मानासस पार्कका प्रहरी प्रमुख मारियो लुगोले नरेश भट्टविरुद्धको मुद्दा प्रमाणमा आधारित रहेको स्पष्ट पारेका छन्। लुगोले थप प्रमाणहरू रहेको र नरेशको एक भिडियोले अनुसन्धानलाई सहयोग पुर्याएको बताएका छन्। यस मुद्दामा करिब ३० वटा सर्च वारेन्ट जारी गरिएको छ, जसमा दम्पतीको घर, कार, बैंकको तथ्यांक, फोन रेकर्ड र जीपीएस जस्ता प्रमाणहरू समावेश छन्।
ममताको शव पानीमा हुनसक्ने आशंका
प्रहरीको अनुसन्धान अनुसार ममताको शव पानीमा हुनसक्ने आशंका गरिएको छ। नरेशको बयान र जीपीएस लोकेसनलाई मिलाएर थप खोजी कार्य अघि बढाउने तयारी भइरहेको छ। हालसम्म पानीमा खोजी नगरिए पनि आगामी दिनमा सो क्षेत्रमा खोजी गर्ने योजना छ।
सामाजिक सञ्जालका अड्कलबाजी
प्रहरी प्रमुख लुगोले केही मानिसहरूले सामाजिक सञ्जालमा ममता अझै जीवित रहेको दाबी गरिरहेको तर कुनै प्रमाण नभएको बताएका छन्। अनुसन्धान अझै जारी रहेको र ममताको न्यायका लागि प्रहरी प्रयासरत रहेको पनि उनले बताए।
