जिल्ला प्रहरी कार्यालय कास्कीले पोखरा महानगरपालिका-८ बगालेटोलमा आफ्नै श्रीमतीको हत्या गरेको आरोपमा एक व्यक्तिलाई पक्राउ गरेको छ।
जहर कुँवर पक्राउ
पक्राउ पर्नेमा अन्दाजी ४२ वर्षीय जहर कुँवर रहेका छन्। कास्कीको अन्नपूर्ण गाउँपालिका–१ नौडाँडा घर भई पोखरा(८ बगालेटोलमा बस्दै आएका कुँवरले अन्दाजी ४० वर्षीया श्रीमती राधिका कुँवरलाई धारिलो हतियार प्रहार गरी हत्या गरेको देखिएको प्रहरीले जनाएको छ।
हत्या कारण : घरायसी विवाद
प्रारम्भिक अनुसन्धानअनुसार, घरायसी विवादकै कारण हत्या भएको बताइएको छ। घटनापछि प्रहरीले आरोपी कुँवरलाई नियन्त्रणमा लिई लैजाने क्रममा स्थानीयले उनलाई कुटपिटको प्रयास गरेका थिए।
प्रहरीका अनुसार, कुँवर दम्पत्तिको एक छोरा रहेको छ। घटनाबारे थप अनुसन्धान भइरहेको छ।
