काठमाडौं– जाडोको समयमा मानिसमा स्किन पिलिंग अर्थात छाला जाने समस्या हुने गर्दछ। समयमै यसको ध्यान नपुग्दा यसले भयानक रुप पनि लिन सक्दछ। हुनत छाला जाँदा हामीलाई दुखाई हुँदैन, तर थोरै काम गर्दा समस्या हुने गर्दछ। त्यसैले हामी यहाँ केही घरेलु उपायका बारेमा जानकारी दिदैछौँ। जसले गर्दाे छाला जाने समस्यामा राहत पुग्दछ।
भिटामिन ई युक्त तेल– छाला जाने समस्याबाट छुट्कारा पाउनका लागि भिटामिन ई युक्त तेलको प्रयोग गर्न सक्नुहुन्छ। यस तेलले हातलाई हरेक दिन मालिस गर्दा छाला जाने समस्याबाट छुट्कारा पाउन सक्नुहुनेछ।
एलोभेरा जेल– हरेक दिन सुत्नुअघि हातमा एलोभेरा जलले मालिस गर्नुहोस् र बिहान उठेर मनतातो पानीले सफा गर्नुहोस्। यसो गर्दा तपाईको छाला नरम हुने गर्दछ।
मनतातो पानी– हरेक दिन मनतातो पानीमा १० मिनेटसम्म छाला गएको हात वा खुट्टालाई भिजाएर राख्नुहोस्। यदी तपाई चाहनुहुन्छ भने पानीमा थोरै कागती पनि राख्न सक्नुहुन्छ। यसो गर्दा तपाईको स्किन नरम हुने र छाला जान कम हुने गर्दछ।
