काठमाडौं । कपिलवस्तुको जङ्गलमा सम्पर्कविहीन भएका पूर्वमेयर मृत फेला परेका छन् । कपिलवस्तु नगरपालिकाका पूर्वमेयर किरण सिंह सम्पर्कविहीन भएको तीन दिनपछि मृत फेला परेका हुन् । सिंह शुक्रबार कपिलवस्तुको गोरुसिंगे जंगलबाट सम्पर्कविहीन भएको पाइएको छ ।
उनले प्रयोग गर्ने लु.प्र. ०१–०१३ प ७९७० नम्बरको मोटरसाइकल गोरुसिंगे जंगलभित्र फेला परे पनि उनको अवस्था भने पत्ता लागेको थिएन ।
खोजीकै क्रममा उनको शव फेला परेको जिल्ला प्रहरी कार्यालय कपिलवस्तुका प्रमुख एसपी मनोहरप्रसाद भट्टले जानकारी दिए । प्रहरीले उनको खोजीका लागि मोटरसाइकल भेटिएको क्षेत्रमा तालिमप्राप्त कुकुर, ड्रोन र ठूलो मात्रामा प्रहरी टोली परिचालन गरेको थियो ।
