सुर्खेत । कर्णालीका नवनियुक्त मुख्यमन्त्री मंगलबहादुर शाहीले पद तथा गोपनीयताको शपथ लिएका छन् ।
प्रदेश प्रमुख यज्ञराज जोशीले बुधबार उनलाई शपथ खुवाएका हुन् । जोशीले शाहीलाई मंगलबार नेपालको संविधानको धारा १६८ को उपधारा (२) बमोजिम मुख्यमन्त्री नियुक्त गरेका थिए ।
शाही नेकपा एमालेको समर्थनमा मुख्यमन्त्री बनेका हुन् । यद्यपि, मन्त्रालयको भागबन्डा कुरा नमिलेका कारण आज शाहीले मन्त्री भने नियुक्त गर्न सकेनन् ।
