काठमाडौं । नेकपा एमालेका नेता गोकुल बास्कोटाको टिकट आगामी निर्वाचनका लागि पार्टी अध्यक्ष केपी शर्मा ओलीले हाल होल्ड गरेका छन्।
सचिवालय बैठकमा छलफल
शनिबार बसेको सचिवालय बैठकमा काभ्रेपलाञ्चोक–२ बाट बास्कोटालाई उम्मेदवार बनाउने विषयमा छलफल भएको थियो। तर अध्यक्ष ओलीले अन्तिम निर्णय काभ्रे–१ मा मात्र गर्ने निर्देशन दिएका थिए।
काभ्रे–१ बाट राष्ट्रिय युवा संघबाट राजनीतिमा आएका अमित लामालाई एमालेले उम्मेदवार बनाउने निर्णय गरेको छ। सचिवालय सदस्यका अनुसार, काभ्रे–२ मा बास्कोटालाई उम्मेदवार बनाउनु पर्ने आवाज उठेको भए पनि अध्यक्षले त्यसलाई पछि टुंग्याउने निर्णय गर्नुभएको हो।
प्रदेश कमिटीले थप गरेका नाम
बास्कोटा निर्वाचन क्षेत्र र जिल्ला कमिटीबाट एकल उम्मेदवार सिफारिस भएर आएका थिए। तर प्रदेश कमिटीले यसमा अशोक व्यञ्जु, विमला शर्मा चौलागाईं र हरिशरण दाहालको नाम थपेको थियो।
