काठमाडौँ। अमेरिकी राष्ट्रपति डोनाल्ड ट्रम्पले बीबीसीविरुद्ध आफ्नो ६ जनवरी २०२१ को भाषणको सम्पादन गरेको सम्बन्धमा करिब ५ अर्ब डलर ३.७ अर्ब पाउण्डको मानहानि मुद्दा दायर गरेका छन्।
फ्लोरिडामा दायर मुद्दामा ट्रम्पले बीबीसीमाथि मानहानि र व्यापार अभ्यास कानुन उल्लंघनको आरोप लगाएका छन्। बीबीसीले गत महिनामा ट्रम्पसँग माफी मागेको थियो, तर हर्जाना दिन अस्वीकार गर्दै मानहानि दावीको आधार नभएको बताएको थियो। ट्रम्पका कानुनी टोलीले बीबीसीमाथि आरोप लगाएका छन् कि भाषणलाई जानेबुझेर, दुर्भावनापूर्ण र छलपूर्वक सम्पादन गरिएको छ। बीबीसीले अहिलेसम्म मुद्दामा प्रतिक्रिया दिएको छैन।
ट्रम्पले गत महिनामा भनेका थिए “मलाई यो मनपरेको छैन उनीहरूले धोका दिएका छन्। मेरो मुखबाट निस्केका शब्दहरू परिवर्तन गरेकाछन्।” उनको भाषणमा, ६ जनवरी २०२१ मा, अमेरिकी क्यापिटलमा भएको दंगा अघि उनले भिडीसँग भनेका थिए हामी क्यापिटल तर्फ जानेछौँ र हाम्रा बहादुर सिनेटर र प्रतिनिधि सभाका सदस्यहरूलाई उत्साहित गर्नेछौँ ।
म पनि त्यहाँ हुनेछु र हामी लड्छौँ हामी नराम्रोसँग लड्छौँ । बीबीसीले उक्त सम्पादनले सिधा हिंसात्मक आह्वानको झल्को दिएको स्वीकार गरेको थियो, तर मानहानि दावीको आधार नभएको बताएको थियो। नोभेम्बरमा लीक भएको आन्तरिक बीबीसी मेमोले सम्पादनको आलोचना गर्दा बीबीसीका निर्देशक जनरल टिम डेभी र हेड अफ न्युज डेबोरा टर्नेसले राजीनामा दिएका थिए।
मुद्दा दायर गर्नु अघि, बीबीसीका वकिलहरूले ट्रम्पको दावीको जवाफ दिँदै भनेका थिए कि सम्पादनमा दुर्भावना थिएन र ट्रम्पलाई कार्यक्रमबाट कुनै नोक्सान भएन, किनभने उनी त्यसपछि पुनः निर्वाचित भएका थिए। बीबीसीले अमेरिकी च्यानलमा कार्यक्रम वितरण नगरेको र अधिकार नभएको पनि स्पष्ट पारेको थियो। कार्यक्रममा उपलब्ध थियो, तर केवल बेलायतमा। ट्रम्पको मुद्दामा तेस्रो पक्ष वितरण सम्झौता उल्लङ्घनको दाबी पनि गरिएको छ।
मुद्दामा ट्रम्पले उल्लेख गरेका छन् कि फ्लोरिडामा बस्ने नागरिकहरूले स्ट्रिमिङ सेवाहरू प्रयोग गरी कार्यक्रम पहुँच गरेको हुनसक्ने दावी गरिएको छ। डकुमेन्ट्रीको प्रचार र फ्लोरिडामा प्रयोगमा उल्लेखनीय वृद्धिले देखाउँछ कि नागरिकहरूले बीबीसीले कार्यक्रम हटाउनु अघि नै पहुँच पाएका हुनसक्छन्, मुद्दामा उल्लेख गरिएको छ।
