काठमाडौँ । अमेरिकी राष्ट्रपति डोनाल्ड ट्रम्पले वाशिङ्टन डीसीमा दुई नेशनल गार्ड सदस्यमाथि भएको गोलीकाण्डलाई दुष्ट र आतङ्ककारी हमला भन्दै, अमेरिका अझ कडा आव्रजन नीतितर्फ अघि बढ्ने घोषणा गरेका छन्। अधिकारहरूले एक संदिग्ध व्यक्तिलाई नियन्त्रणमा लिएका छन्, जसलाई ट्रम्पले अफगान नागरिक भएको बताएका छन्। ती दुई गार्ड सदस्यहरू ट्रम्पको विवादास्पद निर्णयअनुसार वाशिङ्टनमा तैनाथ गरिएको सुरक्षादलका सदस्य थिए।
ट्रम्पले फ्लोरिडाको म्यार–ए–लागो रिसोर्टबाट भिडियो सम्बोधन गर्दै भने,अमेरिका कुनै पनि आतङ्कविरुद्ध कहिल्यै झुक्दैन। यस घटनाले हाम्रो मिशन रोकिँदैन। उनले पीडितप्रति समवेदना व्यक्त गरेपछि तुरुन्तै यो घटना बाइडेन प्रशासनको गल्तीका कारण भएको आरोप लगाएका छन् । ट्रम्पले भने कि अमेरिका छोडेपछि (२०२१) अफगान शरणार्थीलाई ल्याउने कार्य नै आजको घटनाको मूल कारण हो।अफगान शरणार्थी मात्र होइन, ट्रम्पको कठोर टिप्पणी अन्य समुदायतर्फ पनि गरेका छन् । ट्रम्पले मिनेसोटाका सोमाली आप्रवासीमाथि पनि आक्रोश व्यक्त गर्दै भने कि उनीहरूले देशलाई नोक्सान पुर्याइरहेका छन् । यद्यपि वाशिङ्टन डीसीको घटनासँग कुनै सम्बन्ध छैन।
एफबीआईले भने निरन्तर चेतावनी दिँदै आएको छ कि आव्रजन समुदायभित्र स्वयं–कट्टरिकरण ((self-radicalization) का घटना सम्भावित जोखिम हुनसक्छन्। आरोपीको पहिचान र अनुसन्धान भइरहेको छ । गृह सुरक्षा मन्त्रालयका अनुसार गिरफ्तार गरिएको व्यक्ति रहमानुल्लाह लाकानवाल हुन्। प्रारम्भिक विवरणअनुसार उनी सन् २०२१ मा अफगानिस्तानबाट अमेरिकामा प्रवेश गरेको खुलेको छ। अनुसन्धानले यो हमला सैनिक लक्षित घटना भएको सम्भावना देखाएको छ। यसले यस्ता थप आक्रमणको जोखिमबारे पनि चिन्ता बढाएको छ। ५०० अतिरिक्त गार्ड तैनाथ गर्ने ट्रम्पको आदेशछ । घटनापछि ट्रम्पले रक्षा मन्त्रीलाई वाशिङ्टनमा थप ५०० नेशनल गार्ड पठाउन आदेश दिए। संघीय अदालतले केही दिनअघि नै गार्ड हटाउन आदेश दिएका कारण प्रशासनले अदालतमा आपतकालीन याचिका समेत दायर गरेको छ। ट्रम्पले घरेलु भूमिमा सैनिक तैनाथीलाई आफ्नो ‘कडा सुरक्षा नीति’ को ठूलो उपलब्धि बताउँछन्।
तर आलोचकहरूले यो कदमलाई खतरा, तनाव र ‘अधिनायकवादी प्रवृत्ति’ भएको आरोप लगाउँदै आएका छन्। गत हप्तामात्र संघीय न्यायाधीश जिया कोब्बले वाशिङ्टनमा गार्ड तैनाथी अवैध भएको निर्णय दिएका थिए। उनका अनुसार गार्ड खतरणाक र घातक परिस्थिति सँग भिड्नुपर्ने जोखिममा छन्। कांग्रेस सदस्यहरूको प्रतिक्रिया यस्तो छ डेमोक्रेट तथा रिपब्लिकन नेताहरूले घटनालाई भयानक भन्दै दुई घाइते गार्ड सदस्यका लागि प्रार्थना व्यक्त गरेका छन्। तर ट्रम्पले ५०० थप सेना पठाउने निर्णय उचित हो कि होइन भन्ने विषयमा मतभेद देखिएको छ। राजनीतिक प्रभाव झनै गहिरिँदै गएको छ । केही विशेषज्ञले चेतावनी दिएका छन् कि ट्रम्पको आव्रजन नीतिको कडापनले समुदायबीच घृणा र उत्तेजना बढाउन सक्छ। अर्कोतर्फ, ट्रम्प र उनका सहयोगीहरूले भने यो घटना कडा आव्रजन नीति आवश्यक भएको ठूलो प्रमाण भएको दाबी गरेका छन्।
