काठमाडौँ । मदन भण्डारी राजमार्गअन्तर्गत दुधौली नगरपालिका–२ गागनमा आज बिहान बस र मोटरसाइकल एकापसमा ठोक्किँदा एक जनाको मृत्यु भएको छ भने एकजना गम्भीर घाइते भएका छन्।
प्रहरी नायब उपरीक्षक सूर्यप्रकाश सुवेदीका अनुसार पोखराबाट कटारीतर्फ जाँदै गरेको बस र डकाहाबाट झुगातर्फ आउँदै गरेको मोटरसाइकल ठोक्किँदा दुधौली–३ का २५ वर्षीय महेश कुमरको घटनास्थलमै मृत्यु भएको हो। दुर्घटनामा गम्भीर घाइते भएका कमलामाई नगरपालिका–१४ चन्दनपुरका २५ वर्षीय दिपेश कुमरको दुधौली नगर अस्पतालमा उपचार भइरहेको प्रहरीले जनाएको छ। दुर्घटनापछि बसका चालक श्यामकुमार भट्टराई ९कटारी–३० फरार रहेकाले उनको खोजी जारी रहेको प्रहरीले जनाएको छ।
