काठमाडौं ।स्वास्थ्य अधिकारीहरूका अनुसार प्रजातान्त्रिक गणतन्त्र कङ्गो डीआर कङ्गो मा लामो समयदेखि बस्दै आएका एक केन्याली नागरिकमा इबोला संक्रमण देखिएको हो।
स्वास्थ्यमन्त्री एडेन दुआले जानकारी दिएअनुसार ती व्यक्ति करिब एक महिनाअघि बिरामी परेका थिए। डीआर कङ्गोका विभिन्न अस्पतालमा उपचार गराएपछि उनी शनिबार विमानमार्फत केन्याको राजधानी नाइरोबी पुगेका थिए।नाइरोबी विमानस्थलमा प्रारम्भिक स्वास्थ्य जाँचपछि उनी आफन्तको सहयोगमा स्थानीय अस्पताल पुगेका थिए। अस्पतालमा थप परीक्षण गर्दा उनलाई ‘इबोला बुन्दिबुग्यो’ भाइरसको संक्रमण रहेको पुष्टि भएको हो।
स्वास्थ्य समस्या देखिएपछि उपचारका क्रममा उनको केही दिनमै मृत्यु भएको मन्त्री दुआले बताएका छन्। घटनापछि केन्याका स्वास्थ्य अधिकारीहरूले संक्रमणको सम्भावित जोखिमबारे निगरानी र आवश्यक स्वास्थ्य सावधानी अघि बढाएका छन्।यसैबीच, डीआर कङ्गोमा यस वर्ष इबोलाका कारण चार हजारभन्दा बढी मानिसको मृत्यु भएको दाबी गरिएको छ। यो संख्या इबोलाको इतिहासमा देखिएका गम्भीर प्रकोपमध्ये एकका रूपमा उल्लेख गरिएको छ।
