काठमाडौँ । विश्वकै संवेदनशील हर्मुज जलडमरु (हर्मुज जलडमरु) तनावग्रस्त बनेको छ। इरान र अमेरिका–इजरायलबीच बढ्दो द्वन्द्वले यस मार्गमा कच्चा तेल आपूर्ति ठप्प हुने जोखिम बढाएको छ।
तीन ठूला व्यापारिक जहाजमा क्षेप्यास्त्र प्रहार भएपछि मार्ग युद्धमैदान जस्तो बनेको छ। थाइल्याण्डको मालबाहक जहाज मयुरी नरीमा आगलागी भएपछि चालक दलले जहाज छाड्नुपरेको र ८० प्रतिशतभन्दा बढी जहाजहरूको आवागमन रोकिएको छ। अमेरिकी पेन्टागनले इरानले बिछ्याउन लागेका १६ विस्फोटक माइन नष्ट गरेको दाबी गरेको छ भने इरानी रिभोलुसनरी गार्ड्सले थप जवाफी कारबाहीको चेतावनी दिएको छ। अन्तर्राष्ट्रिय ऊर्जा एजेन्सीले सम्भावित तेल अभाव टार्न ४० करोड ब्यारेल तेल आपत्कालीन भण्डारबाट बजारमा पठाउने तयारी थालेको छ। यदि जलमार्ग लामो समयसम्म बन्द रह्यो भने पेट्रोलियम मूल्यमा ठूलो वृद्धि र आपूर्ति ठप्प हुने खतरा छ।
