काठमाडौं । मध्यपूर्व क्षेत्रको हवाई क्षेत्रमा उत्पन्न हालैको प्रतिबन्ध र प्राविधिक कठिनाइका कारण त्रिभुवन अन्तर्राष्ट्रिय विमानस्थलबाट हुने विभिन्न अन्तर्राष्ट्रिय उडानहरू प्रभावित भएका छन् ।
त्रिभुवन विमानस्थल कार्यालयका अनुसार मध्यपूर्वका देशहरूलाई गन्तव्य बनाएर उडान भर्ने वायुसेवा कम्पनीका जहाजहरू ढिलाइ हुने, उडान तालिका परिवर्तन हुने वा रद्द हुने अवस्था सिर्जना भएको हो ।
आजका लागि तय गरिएका विभिन्न सातवटा वायुसेवा कम्पनीका दर्जनभन्दा बढी उडानहरु रद्द गरिएको विमानस्थलले जानकारी दिएको छ ।
