काठमाडौँ । राष्ट्रिय सभा अन्तर्गत विधायन व्यवस्थापन समितिका सभापति प्रकाश शर्माले देशको उन्नति र राष्ट्रको विकासका लागि सधैं सक्रिय भएर काम गर्ने प्रतिबद्धता व्यक्त गरेका छन्। सोमबार समितिबाट बिदाइ भएका सदस्यहरूलाई धन्यवाद ज्ञापन गर्दै सभापति शर्माले संसद् र समितिले मुलुकको हितलाई केन्द्रमा राखेर काम गर्दै आएको बताए।
उनले देशको सुशासन, कानुनी व्यवस्था र विकास निर्माणमा प्रभावकारी काम गर्ने आफ्नो लक्ष्य पनि दोहोर्याए। कार्यक्रममा उनले विगतमा बाँकी रहेको विधेयक एन–२०८१ अघि बढाएर सरकारलाई जवाफदेही बनाउने काममा समितिले महत्वपूर्ण भूमिका खेलेको जानकारी दिए। साथै, संघीय संरचना अनुसार कानुनी व्यवस्था र कार्यप्रणालीलाई व्यवस्थित बनाउन समिति सक्रिय रहेको उनले बताए।सभापति शर्माले बिदाइ भएका सदस्यहरूको योगदानको प्रशंसा गर्दै आगामी दिनमा पनि मुलुकको हितका लागि सहकार्य आवश्यक रहेको बताए।
