काठमाडौं । निर्वाचन आयोगमा ४३ राजनीतिक दलले मात्र चुनावी घोषणापत्र बुझाएका छन् । ४३ दलले घोषणापत्र बुझाएका आयोगको राजनीतिक शाखाले जनाएको छ । घोषणापत्र सार्वजनिक गरी आयोगमा बुझाएर मात्र चुनावी प्रचारमा जान दलहरूलाई भनिएको थियो । यही फागुन ४ गतेदेखि चुुनावी प्रचारप्रसारको समय तोकिएको थियो ।
निर्वाचन आचारसंहितामा दल र उमेदवारले घोषणापत्र बुझाउनुपर्ने उल्लेख छ । प्रत्येक वर्ष त्यसको विवरण पनि बुझाउनुपर्ने जनाइएको छ । यही फागुन २१ गते हुने प्रतिनिधिसभा सदस्य निर्वाचनमा ६१ चुनाव चिह्नबाट ६५ दल प्रतिस्पर्धामा छन् ।
