काठमाडौं । फागुन २१ को चुनावमा उम्मेदवार बन्ने चर्चा चलेका बेला नेपाल जेनजी फ्रन्टकी संयोजक रक्षा बमले आफू चुनाव नलड्ने स्पष्ट पारेकी छन्। उनले मंगलबार दिउँसो फेसबुकमार्फत आफ्नो धारणा सार्वजनिक गरेकी हुन्।
रक्षाले आफू सडक आन्दोलनबाट आएको र सधैं भुइँमान्छेसँगै रहन चाहने बताएकी छन्। उनका अनुसार राजनीति पद र कुर्सीभन्दा पनि आन्दोलन र जनतासँग जोडिनु हो, त्यसैले अहिले चुनाव लड्ने उनको योजना छैन।
उनले फेसबुकमा लेखेकी छन्— सडक नै आफ्नो विश्वविद्यालय भएको र अझै पनि सडककै नजिक रहेर सिक्न चाहेको। फागुन २१ को चुनाव नलड्ने कुरा हिजो पनि स्पष्ट थियो र आज पनि उस्तै रहेको उनको भनाइ छ।
साथै उनले आफ्नो राजनीतिक यात्राप्रति सद्भाव राख्ने नयाँ दलहरू, विशेष गरी रास्वपा र नयाँ नेपाली कांग्रेसलाई धन्यवाद दिँदै सबैको माया, सुझाव र समर्थनका लागि आभार व्यक्त गरेकी छन्। संक्षेपमा भन्नुपर्दा, उम्मेदवारीको चर्चा भए पनि रक्षा बम अहिले पनि सडक आन्दोलनमै केन्द्रित रहने पक्षमा देखिएकी छन्।
