काठमाडौं । त्रिभुवन विश्वविद्यालयको उपकुलपति पदमा प्रा.डा. दीपक अर्याल नियुक्त भएका छन्। प्रधानमन्त्री केपी शर्मा ओलीले अर्याललाई उपकूलपति नियुक्त गरेका हुन्।
शिक्षा, विज्ञान तथा प्रविधिमन्त्री रघुजी पन्तको संयोजकत्वको गठित सिफारिस समितिले यही असार २३ गते प्रधानमन्त्री एवं कुलपति ओलीसमक्ष उपकुलपतिका लागि तीनजनाको नाम सिफारिस गरेको थियो ।
समितिले वर्णानुक्रमअनुसार हालका निमित्त उपकुलपति प्रा.डा. खड्ग केसी, त्रिविको विज्ञान संकायका पूर्वडीन प्रा।डा। विनिल अर्याल र जल तथा मौसम केन्द्रीय विभागका पूर्वप्रमुख डा। दीपक अर्याललाई सिफारिस गरेको थियो ।
उपकुलपति प्रा. डा. केशरजङ्ग बरालले राजीनामा दिएपछि चैत ३१ गते विश्वविद्यालयका कुलपतिसमेत रहेका प्रधानमन्त्री ओलीले शिक्षाध्यक्ष केसीलाई पदपूर्ति नभएसम्मका लागि बढीमा तीन महिनाका लागि उपकुलपतिको जिम्मेवारी दिएका थिए।
