काठमाडौं - अभिनेता विपिन कार्कीलाई मातृशोक परेको छ। उनकी आमा सरस्वतीको बिहीबार बिहान ६ बजे पाटन अस्पतालमा उपचारको क्रममा निधन भएको हो।
आमा सरस्वतीको दीर्घरोगबाट पीडा
विपिन कार्कीले दिएको जानकारीअनुसार, उनकी आमालाई विभिन्न दीर्घरोगहरूबाट पीडित थिइन् र पछिल्लो ४ दिनदेखि भेन्टिलेटरमा राखेर उपचार गरिँदै आएको थियो। आमा सरस्वतीलाई पछिल्लो समय फोक्सोमा पानी जम्ने र मस्तिष्कमा समस्या देखिएको थियो।
अन्तिम संस्कार
विपिन कार्कीकी आमा सरस्वतीको पार्थिव शरीरलाई आज बिहान १० बजे पशुपति आर्यघाटमा अन्तिम संस्कार गरिने भएको छ।
फिल्मको छायांकन बीचमै छाडेर काठमाडौं फर्किए
आमा बिरामी भएपछि अभिनेता विपिन कार्कीले आफ्नो पछिल्लो फिल्म ‘ऊनको स्वीटर’को छायांकन बीचमै छाडेर काठमाडौं आएका थिए। विडम्बना, आज विपिन कार्कीको जन्मदिन पनि हो।
