काठमाडौं - गायक प्रकाश तिमिल्सिनाको निधन भएको छ। तिमिल्सिना ललितपुर महानगरपालिका-१८ आदिनाथ मार्गस्थित आफ्नै कोठामा मृत अवस्थामा फेला परेका छन्।
मृत अवस्थामा फेला
ललितपुर प्रहरी प्रवक्ता नरेशराज सुवेदीले जानकारी दिएअनुसार, तिमिल्सिना शनिबार राति ९ बजेतिर बेडमा मृत भेटिएका हुन्। उनको शव पोस्टमार्टमका लागि पाटन अस्पतालमा राखिएको छ।
चर्चित गीतहरू
प्रकाश तिमिल्सिनाका ‘प्रिय तिम्रो सिउँदोमा सिन्दूर भर्न देऊ’, ‘तिम्रो हातको सिन्दूर’, ‘जुन भन्दिन’, ‘नमान लाज यसरी’, ‘नआए नि हुन्थ्यो’ लगायतका गीतहरू निकै चर्चित छन्।
नेपाली तारा बाट उदाएका
तिमिल्सिना गायन प्रतियोगिता ‘नेपाली तारा’बाट उदाएका थिए। उनको आजै पशुपतिमा अन्त्येष्टि गर्ने पारिवारिक स्रोतले जनाएको छ।
श्रद्धाञ्जलीका लागि कार्यक्रम
अन्त्येष्टिको पूर्वमा, तिमिल्सिनाको पार्थिव शरीरलाई श्रद्धाञ्जलीका लागि संगीत तथा नाट्य प्रज्ञाप्रतिष्ठानमा राखिनेछ।
