जोरपाटीस्थित सर्वनाम शिक्षालयका होस्टल वार्डेनले छात्राहरूलाई यौन दुर्व्यवहार गरेको आरोपमा अभिभावकहरू आन्दोलनमा उत्रिएका छन्।
शिक्षालयका होस्टल वार्डेनले होस्टलमा बसेका छात्राहरूलाई दुर्व्यवहार गरेको भन्दै अभिभावकहरू आन्दोलनमा उत्रिएका हुन्।
अभिभावक आन्दोलनमा उत्रिँदा झडपको अवस्था सिर्जना भएपछि त्यहाँ प्रहरीले पुगेको छ। प्रहरी टोली स्कुलमा पुगेपछि यौन दुर्व्यवहार गरेको आरोप लागेका शिक्षालयका होस्टल वार्डेन रामजी बस्नेत फरार भएका छन्। उनको खोजी भइरहेको महानगरीय प्रहरी वृत्त बौद्धका डिएसपी ढुण्डीराम न्यौपानेले बताए ।
प्रहरीले सोधपुछका लागि शिक्षालयका प्रिन्सिपल दुर्गानाथ सिवकोटी र उनकी श्रीमतीलाई नियन्त्रणमा लिएको छ।
