काठमाडौं । सरकारले नेपाल प्रहरीको नेतृत्वमा फेरबदल गरेको छ।
बुधबार बसेको मन्त्रिपरिषद् बैठकले प्रहरी महानिरीक्षक (आईजीपी) दानबहादुर कार्कीलाई उक्त जिम्मेवारीबाट हटाउँदै एआईजी मनोजकुमार केसीलाई नयाँ आईजीपी नियुक्त गरेको हो।मन्त्रिपरिषद् बैठकको निर्णयबारे जानकारी दिँदै एक मन्त्रीले कार्कीलाई आईजीपी पदबाट हटाएर केसीलाई प्रहरी संगठनको नेतृत्व सुम्पिएको बताएका छन्। आईजीपीको जिम्मेवारीबाट हटाइएका कार्कीलाई भने प्रधानमन्त्रीको सुरक्षा सल्लाहकार नियुक्त गरिएको छ। सरकारको यो निर्णयसँगै नेपाल प्रहरीको नेतृत्व परिवर्तन भएको छ भने निवर्तमान आईजीपी कार्कीले प्रधानमन्त्रीको सुरक्षा सल्लाहकारका रूपमा नयाँ जिम्मेवारी सम्हाल्ने भएका छन्।
