काठमाडौँ । दक्षिणी चीनको शेन्जेनमा रोबोटहरूले चलचित्र हलहरूमा पपकर्न सेवा गर्दै आएका छन् भने बाहिरी बजारमा आइसक्रिम पनि वितरण गरिरहेका छन्। यस्तै, केही रोबोटहरू उत्पादन प्लान्ट र औद्योगिक क्षेत्रमा समेत सेवा दिइरहेका छन्।
शहरको नानशान जिल्लाको एक सिनेमा हलमा डिओबिओटी कम्पनीको मानवीय रोबोटले चलचित्र हेर्नेहरूको लागि कपमा पपकर्न स्कूप गरेको देख्न सकिन्छ। ती रोबोटहरूले दैनिक १४ घन्टा सेवा प्रदान गर्ने गरेका छन्। फिल्म हेर्न आएका एक दर्शक भन्छन्, रोबोटले गरेको सेवा देख्दा मलाई अचम्म लाग्यो। मलाई डर थियो कि पपकर्न पोखिन सक्छ, तर कपहरू सुरक्षित र राम्रोसँग भरिएका थिए।
शहरमा हालै आयोजित एक समारोहमा युवा आगन्तुकहरूलाई खुशी पार्न आइसक्रिम दिने कार्यमा पनि रोबोटहरू सहभागी थिए। यस वर्ष शेन्जेनका स्थानीय कम्पनीहरूले उड्डयन र नयाँ ऊर्जा सवारी साधन उद्योगमा मानवीय रोबोटहरूको प्रयोग बढाएका छन्। गत वर्ष शेन्जेनका उदीयमान उद्योगहरूले शहरको जीडीपीमा ४३ प्रतिशत योगदान पुर्याएका थिए, जसमा एआई र रोबोटिक्सबाट करिब ४० अर्ब अमेरिकी डलरको राजस्व उत्पादन भएको बताइएको छ।
