काठमाडौँ । नेपाल प्रिमियर लिग (एनपिएल) अन्तर्गत इलिमिनेटको खेलमा काठमाडौं गोर्खाजले लुम्बिनी लायन्सविरूद्ध टस जितेको छ। टस जितेको काठमान्डुले पहिले ब्याटिङ गर्ने भएको छ।
आजको खेलमा काठमान्डुले कुनै परिवर्तन गरेको छैन। लिगको अन्तिम खेल खेलेको टोलीलाई नै काठमान्डुले मैदान उतार्दै छ। यता लुम्बिनीमा एक परिवर्तन गरिएको छ। सुमित महर्जनको स्थानमा दिनेश अधिकारीलाई मौका दिइएको छ।
आजको खेलको विजेताले भोलि बिहीबार विराटनगर किंग्ससँग प्रतिस्पर्धा गर्नेछ। भोलि विराटनगर र आजको खेलको विजेताबीच हुने दोस्रो क्वालिफायरको नजिताले फाइनल पुग्ने टोलीको टुंगो लाग्नेछ।
यसअघि सुदूरपश्चिमले फाइनलमा स्थान पक्का गरिसकेको छ। सुदूरपश्चिमले पहिलो क्वालिफायरको खेलमा विराटनगरमाथि मंगलबार जित हात पारेको थियो।
