काठमाडौँ । रुपन्देही ३ को उपनिर्वाचनका लागि राष्ट्रिय स्वतन्त्र पार्टीले उम्मेदवार बनाएका लेखजंग थापाले दुईवटा विवाह गरेको स्वीकार गरेका छन् । उम्मेदवारमा छनोट भए लगत्तै थापामाथि बहुबिवाहको आरोप लागेको थियो ।
आलोचनापछि थापाले मंगलबार सामाजिक सञ्जालमा लामो स्ट्याटस लेख्दै थापाले आफूमाथि प्रश्न गर्नेहरूलाई आफ्नो पारिवारिक जीवन न गैरकानुनी भएको न समस्यापूर्ण नै रहेको बताएका छन् । साथै उनले दुईवटा विवाह गरेको स्वीकार गर्दै एउटा विवाह कानुनी रूपमै सम्बन्ध विच्छेद गरेको प्रमाण समेत सार्वजनिक गरेका छन् ।
