काठमाडौँ । आज मध्यान्ह १२ बजेर ९ मिनेट जाँदा बझाङको सैपाल आसपास केन्द्रविन्दु बनाएर ४.४ रेक्टर स्केलको भूकम्प गएको भूकम्प मापन केन्द्र सुर्खेतले जनाएको छ। धक्का बाजुरा र आसपासका पश्चिमी बस्तीहरूमा समेत महसुस गरिएको छ। लगातार भूकम्प लाग्न थालेपछि स्थानीयवासी त्रसित भएका छन्। भूकम्पीय जोखिमका कारण सुदूरपश्चिमका बझाङ, बाजुरा र आसपासका बासिन्दा सतर्क बनेका छन्। धक्का महसुस भएपछि जिल्ला प्रशासन कार्यालय बाजुराले सबैलाई सतर्क रहन र आवश्यक सुरक्षा उपाय अपनाउन आग्रह गरेको छ।
