धनगढी । सुदूरपश्चिम प्रदेश खेलकुद परिषद्को सदस्य सचिवमा लोकबहादुर खड्का (रवि) नियुक्त भएका छन्। बिहीबार प्रदेश मन्त्री परिषद्ले उनलाई नियुक्त गरेको हो।
फुटबल र हक्कीका पूर्व खेलाडी खड्काले लामो समयदेखि खेलकुद क्षेत्रमा सक्रिय थिए। राष्ट्रिय फुटबलमा प्रतिनिधित्व गरेका उनी जिल्ला कुस्ती सङ्घको अध्यक्ष भएर पनि काम गरेका थिए।
खड्का तत्कालीन क्रिकेट विकास समिति क्षेत्र नम्बर ९ को कोषाध्यक्ष र क्षेत्रीय खेलकुद विकास समितिमा सदस्य रहेका थिए। यसअघि सदस्य सचिव रहेका दिपक बहादुर सिंहको कार्यकाल सकिएको केही महिना पछि प्रदेश सरकारले खड्कालाई नियुक्त गरेको हो।
