स्थानीय तह निर्वाचनमा ७५३ वटै पालिकामा एक लाख ३७ हजार बढीले उम्मेदवारको मनोनयन दर्ता गराएका छन् ।
निर्वाचन आयोगले मंगलबार बिहान साढे सात बजेसम्म प्राप्त विवरण अनुसार आइतबार र सोमबार गरी १ लाख ३७ हजार ४३ जनाले उम्मेदवारी दर्ता गराएका छन् ।
मनोनयन दर्ताको संख्यात्मक विवरण (प्रणालीमा प्रविष्टि) गर्ने क्रम जारी रहेकाले उम्मेदवारको संख्या बढ्ने आँकलन गरिएको छ । यो राजनीतिक दल र स्वतन्त्र उम्मेदवारको संख्या हो ।
स्थानीय तहमा ३० वैशाखमा ३५ हजार २ सय २१ जनप्रतिनिधिका लागि चुनाव हुँदैछ । २०७४ को स्थानीय तहको चुनावमा १ लाख ५१ हजार १ सय ९० जनाले उम्मेदवारी दिएका थिए ।
