काठमाडौं ।सामाजिक सञ्जाल फेसबुकमा खुकुरी प्रदर्शन गर्दै डरत्रास फैलाउने खालको तस्बिर सार्वजनिक गरेको आरोपमा धनुषा प्रहरीले एक युवकलाई नियन्त्रणमा लिएको छ।
प्रहरीका अनुसार जनकपुरधाम उपमहानगरपालिका–१३ धाताटोलका १८ वर्षीय सुमन पटेललाई आइतबार साँझ उनकै घरबाट नियन्त्रणमा लिइएको हो।जिल्ला प्रहरी कार्यालय धनुषाका प्रहरी प्रवक्ता एवं प्रहरी नायब उपरीक्षक ओमप्रकाश खनालका अनुसार पटेलले फेसबुकमा धारिलो हतियार खुकुरी देखाइएको तस्बिर पोस्ट गरेका थिए। उक्त तस्बिरबाट सर्वसाधारणमा डर तथा त्रास फैलिन सक्ने देखिएपछि प्रहरीले उनलाई नियन्त्रणमा लिएको जनाएको छ।प्रहरीले घटनाबारे थप अनुसन्धान गरिरहेको जनाएको छ। अनुसन्धानको निष्कर्षका आधारमा प्रचलित कानुनअनुसार आवश्यक प्रक्रिया अघि बढाइने प्रहरीको भनाइ छ।
सामाजिक सञ्जालमा सामग्री पोस्ट गर्दा त्यसले समाजमा पार्न सक्ने प्रभावप्रति सचेत रहनुपर्ने देखिन्छ। घटनासम्बन्धी थप विवरण भने प्रहरीको अनुसन्धानपछि स्पष्ट हुने अपेक्षा गरिएको छ।
