काठमाडौं । जनमत पार्टीले मधेश सरकारबाट दुई मन्त्री फिर्ता बोलाएको छ । उनीहरूको ठाउँमा अर्को व्यक्ति मन्त्री हुनेगरी दुई मन्त्रीलाई फिर्ता गरिएको हो ।
पार्टी प्रवक्ता डा. शरदसिंह यादवका अनुसार वसन्त कुशवाहालाई उद्योग तथा पर्यटन र सञ्जय यादवलाई वन मन्त्रालयको जिम्मेवारी दिन लागिएको हो ।
उद्योग तथा पर्यटन मन्त्रालय सम्हालेका सकिल मिया अन्सारी र वन मन्त्रालयको जिम्मेवारीमा त्रिभुवन साहलाई मन्त्रीबाट फिर्ता बोलाइएको थियो । प्रवक्ता यादवका अनुसार एकवर्षे कार्यकालको मूल्यांकन गर्दै मन्त्रीलाई फिर्ता गरेर जिम्मेवारी अर्को व्यक्तिलाई दिइएको हो ।
