काठमाडौँ । पृथ्वी जयन्तीको अवसर पारेर सरकारले पुस २७ गते बिदा दिने निर्णय गरेको छ।सोमबार बसेको मन्त्रिपरिषद बैठकले उक्त निर्णय गरेको हो ।
राप्रपाले सरकारलाई विश्वासको मत दिनु अगाडि पुस २७ गते बिदा दिने निर्णय गर्नुपर्ने सर्त राखेको थियो। प्रधानमन्त्री पुष्पकमल दाहालले भोलि विश्वासको मत लिँदैछन्। राप्रपाले पुस २७ गतेलाई राष्ट्रिय एकता दिवसको रूपमा मनाउनु पर्ने माग राख्दै आएको छ।
