काठमाडौं। कथाकार तथा गीतकार डा.राजुबाबु श्रेष्ठको कथासंग्रह ‘बेनामे जर्नेल’को विमोचन हुने भएको छ।
नेपाल प्रहरीका पूर्व एसपीसमेत कथाकार तथा गीतकार श्रेष्ठको कथासंग्रह ‘बेनामे जर्नेल’को भदौ ११ गते शनिबार विमोचन हुने भएको हो।
विमोचन समारोह शनिबार दिउँसो १ बजे कमलादीमा रहेको प्रज्ञा प्रतिष्ठानको पुस्तकालय हलमा हुनेछ।
श्रेष्ठले बेनामे जर्नेल कथासंग्रहमा १५ कथा रहेको जानकारी दिए। कथासंग्रहमा तराईमा हुने महिला हिंसा, माओवादी जनयुद्धदेखि विदेशी भूमिका कथाहरु पनि समेटिएको बताए।
