काठमाडौं– धितोपत्र बजारमा आज सेयर कारोबार मापक नेप्से परिसूचक ओरालो लागेको छ । नेपाल स्टक एक्सचेन्जका अनुसार नेप्से परिसूचक ९.४२ अंकले घटेर १ हजार ५६८.५९ मा झरेको छ ।
यस्तै, सेन्सेटिभ परिसूचक १.७० बिन्दुले घटेर ३११.४१ मा झरेको छ । कूल १ सय ९३ कम्पनीको ६७ लाख ८२ हजार ९४७ कित्ता सेयर १ अर्ब ८१ करोड ९६ लाख ३८ हजार ९७७ मूल्यमा खरिद बिक्री भए । लगानीकर्ताले नाफा बुक गर्न थालेका कारण बजार पुनः ओरालो लाग्न थालेको छ । त्यसको प्रभावस्वरुप आज कारोबार रकममा समेत गिरावट आएको छ ।
आज कारोबार भएका कुल १२ उपसमूहमध्ये तीन उपसमूहको सेयर उकालो लाग्दा नौ उपसमूहको सेयर भने ओरालो लागेको छ । व्यापार १.४९, उत्पादन १०.८४ र सामूहिक लगानी कोष ०.०५ ले बढेको छ । यस्तै, बैंकिङ ७.७, होटल १०.०६, विकास बैंक ८.५६, जलविद्युत् २७.८४, वित्त १६.३, निर्जिवन बिमा ४८.४१, अन्य १.५१, लघुवित्त १३.६३ र जीवन बिमा ३८.९४ ले ओरोलो लागेको छ ।
कारोबारका आधारमा आज अरुण काबेली पावर शीर्ष स्थानमा रहेको छ । सो कम्पनीको ११ करोड २६ लाख २१ हजार ४७३ बराबरको कारोबार भयो । यस्तै, ज्योति विकास बैंक ११ करोड ७ लाख १ हजार ४०४, मुक्तिनाथ विकास बैंक ८ करोड ५३ लाख ७० हजार १६७, नेपाल पुनर्बिमा कम्पनी ६ करोड ३२ लाख ८९ हजार ४००, सानिमा माई हाइड्रोपावर ५ करोड ४६ लाख ७४ लाख ७४ र नेपाल बैंकको ५ करोड २४ लाख ७१ हजार ४५७ बराबरको कारोबार भई शीर्ष स्थानमा रहेको छ ।
कमाउने कम्पनी
कारोबारका आधारमा आज ज्योति विकास बैंक ४.८३, लक्ष्मी उन्नति कोष, ३.३३, युनिलिभर नेपाल ३.०९, एनआइबिएल प्रगति फन्ड २.३६, सिटिजन म्युचअल फन्ड १.७६ र आइसिएफसी फाइनान्सका लगानीकर्ताले १.५५ प्रतिशतले कमाए ।
गुमाउने कम्पनी
यस्तै, पञ्चकन्या माई हाइड्रोपावर ८.७२, दिव्यश्वरी हाइड्रोपावर ७.५०, खानीखोला हाइड्रोपावर ७.२६, रिडी हाइड्रोपावर ७.२२, घलेम्दी हाइड्रो ६.७७, समृद्धि फाइनान्स ६.५४ र युनियन हाइड्रोपावरका लगानीकर्ताले ६.३५ प्रतिशतले गुमाएका छन् ।
