काठमाडौं– जनरल इन्स्योरेन्स कम्पनी नेपाल लिमिटेडको साधारण सेयर (आइपिओ) नेपाल स्टक एक्सचेन्ज लिमिटेड (नेप्से)मा सूचीकृत भएको छ । नेप्सेका अनुसार जनरल इन्स्योरेन्सको साधारण सेयर धितोपत्र सूचीकरण विनियमावली, २०७५ बमोजिम २५ असोज २०७७ मा सूचीकृत भएको हो ।
जनरल इन्स्योरेन्सको सेयर दोस्रो बजारमा भोलिदेखि कारोबार हुने भएको छ । यसअघि जनरल इन्स्योरेन्सले ३० करोड बराबरको ३० लाख कित्ता सेयर निष्कासन गरेको थियो । निष्कासित सेयरमध्ये १ लाख २० हजार कित्ता कर्मचारी र १ लाख ५० हजार कित्ता सामूहिक लगानी कोषलाई छुट्याएको थियो । सोहीअनुसार आइपिओ बाँडफाँटसमेत भएको छ ।
