काठमाडौं– धितोपत्र बजारमा सेयर कारोबार मापक नेप्से परिसूचकले आज नयाँ उचाइ हासिल गरेको छ । लगातार उकालो लाग्दै आएको नेप्सेमा आज दोहोरो अङ्कले वृद्धि भई १ हजार ६०० को बिन्दुमा पुगेको हो । लामो समयपछि नेप्सेले उक्त बिन्दु तय गरेको हो ।
नेपाल स्टक एक्सचेन्जका अनुसार नेप्सेमा १४.६८ बिन्दुको वृद्धि भई १ हजार ६००.९७ मा पुगेको हो ।
यस्तै, सेन्सेटिभ परिसूचक समेत ३.१७ बिन्दुले बढेर ३१६.३९ मा पुगेको छ । कूल १९५ कम्पनीको १ करोड २६ लाख ९९ हजार ५३५ कित्ता सेयर ३ अर्ब ३५ करोड ८५ लाख ६ हजार २९६ बराबरको खरिद बिक्री भए । बजार पुँजीकरणका आधारमा आज नेपालको सेयर बजार २१ खर्ब ३३ अर्ब बराबरको भएको छ ।
कारोबार भएका कूल १२ उपसमूहमध्ये आज २ उपसमूहको सेयर ओरालो लागेको छ भने १० उपसमूहको सेयर भने उकालो लागेको छ । उत्पादन १.०३ र लघुवित्त ०(२ बिन्दुले घटेको छ । यस्तै बैंकिङ ५.५३, व्यापार ६.९, होटल ५२.६७, विकास बैंक ७७.९८, जलविद्युत् ७५.९३, वित्त २३.१४, निर्जीवन बिमा ७६.०८, अन्य ४.७, जीवन बिमा १७.६६ र सामूहिक लगानी कोष ०.०५ बिन्दुले बढेको छ ।
कारोबारका आधारमा आज अरुण काबेली कम्पनी शीर्ष स्थानमा रहेको छ । सो कम्पनीको १५ करोड २९ लाख २३ हजार ६०६ बराबरको कारोबार भएको छ ।
यस्तै, अरुण भ्याली हाइड्रोपावर १३ करोड ५१ लाख २ हजार ५१२, सानिमामाई हाइड्रोपावर ११ करोड १० लाख ८३ हजार ४६९, हिमाल दोलखा हाइड्रोपावर १० करोड ८८ लाख ८५ हजार २१३, एचआइडिसिएल १० करोड ६५ लाख ४५ हजार १८४, शिवम् सिमेन्ट ९ करोड ९६ लाख २९ हजार ६९५, माथिल्लो तामाकोसी ९ करोड २७ लाख ८६ हजार १९८ र अपि पावर ८ करोड ३ लाख २ हजार २४२ बराबरको कारोबार भई शीर्ष स्थानमा रहे ।
कारोबारका आधारमा नेसनल हाइड्रोपावर, सान्जेन जलविद्युत् कम्पनी, वरुण हाइड्रोपावर र कर्णाली डेभलपमेन्ट बैंकका सेयरधनीले समान ररूपमा १०÷१० प्रतिशतले कमाए । ती कम्पनीको कारोबारमा आज सकारात्मक सर्किट लागेको छ । यस्तै दिव्यश्वरी हाइड्रोपावर ९.९२, आँखुखोला जलविद्युत् कम्पनी ९.९२, समृद्धि फाइनान्स ९.९२ र तिनाउ मिसन डेभलपमेन्ट बैंकका लगानीकर्ताले ९.९० प्रतिशतले कमाए ।
त्यस्तै, लक्ष्मी इक्विटी फन्ड ३.११, महिला सहयात्रा माइक्रोफाइनान्स २.२९, गुराँस लघुवित्त वित्तीय संस्था २.२०, सबैको लघुवित्त २, एनआइसि एसिया ऋणपत्र १.९३ र लक्ष्मी उन्नती कोषका लगानीकर्ताले १.६७ प्रतिशतले गुमाए ।
