काठमाडौं– नेपाल स्टक एक्सचेञ्जको कारोबार प्रणालीमा आएको समस्याका कारण थपिएको समयमा समेत आज सेयर कारोबार मापक नेप्से परिसूचक दोहोरो अंकले बढेको छ । बिहान ११ बजे कारोबार खुलेदेखि नै आज प्रणालीमा समस्या देखिएको थियो । लगानीकर्ताले सेयर खरिद तथा बिक्रीका लागि कुनै अर्डर नै गर्न नपाएको तथा धितोपत्र दलाल कम्पनीसँगको सम्पर्क सञ्जालमा समस्या आएको थियो ।
कारोबार समय ३ बजेसम्म रहे पनि समस्या समाधान पछि नेप्सेले समय थप गरी ५ बजेसम्म पु¥याएको थियो । सो अवधिका कारोबार मापक नेप्सेमा १२.४९ अंले वृद्धि भई १ हजार ५२०.६९ मा पुगेको छ ।
यस्तै सेन्सेटिभ परिसूचक १.७१ ले वृद्धि भई ३०१.३८ मा पुगेको छ । कूल १८९ कम्प्नीको ४२ लाख ६२ हजार ६९८ कित्ता सेयर २ अर्ब १७ करोड ६८ हजार २८३ मूल्यमा खरिद बिक्री भए ।
कारोबार भएका कूल १२ उपसमूहमध्ये आज तीन उपसमूहको सेयर ओरोलो लाग्दा नौ उपसमूहको सेयर भने वृद्धि भएको छ ।
व्यापार ३०.२१, होटल १.१३ र सामूहिक लगानी कोष ०.०२ बिन्दुले ओरोलो लागे । यस्तै, बैंकिङ ३.८३, विकास बैंक १५.७, जलविद्युत् २.३१, वित्त २.२४, निर्जीवन बिमा ३०२.०२, उत्पादन ३३.२२, अन्य ०.३९, लघुवित्त ३३.७३ र जीवन बिमा २०४.५३ ले वृद्धि भएको छ ।
स्टकका अनुसार आज पनि कारोबारका आधारमा नेपाल पुनर्बिमा कम्पनी नै शीर्ष स्थानमा रहेको छ ।
प्रतिकित्ता ८९५ मा १७ करोड २१ लाख ७२ हजार ११६ को कारोबार भई सो कम्पनी शीर्ष स्थानमा रहयो । यस्तै, नागरिक लगानी कोष ९ करोड २३ लाख २४ हजार ६८७, नेपाल लाइफ इन्स्योरेन्स कम्पनी ९ करोड १ लाख ३१ हजार ९४६, सूर्या लाइफ इन्स्योरेन्स कम्पनी ८ करोड ५९ लाख ५७ हजार १३३, एभरेस्ट इन्स्योरेन्स कम्पनी ८ करोड ४३ लाख ९१ हजार ३०४ र शिवम सिमेन्ट ७ करोड ९ लाख ८६ हजार १३६ बराबरको कारोबार भई शीर्ष स्थानमा रहे ।
यस्तै, राष्ट्रिय बिमा कम्पनी र सोही कम्पनीका संस्थापक लगानीकर्ताले समान रुपमा ९.९९ प्रतिशतले कमाउँदा रिलायन्स लाइफ इन्स्योरेन्स ९.८९, एनआरएन इन्फ्रास्टकचर ९.८९, एनआरएन लघुवित्त ९.१४, एभरेस्ट इन्स्योरेन्स कम्पनी ८.१३ र नेपाल फाइनान्स कम्पनीका लगानकिर्ताले ७.५६ प्रतिशतले कमाए ।
त्यस्तै, नबिल इक्विटी फन्ड ५.६४, आशा लघुवित्त ४.१३, साल्ट ट्रेडिङ कर्पोरेसन ३.५८, युनियन हाइड्रोपावर २.९४ र मल्टिपर्पस फिनान्स कम्पनीका लगानीकर्ताले २.७० प्रतिशतले गुमाए ।
