काठमाडौं– लामो समयदेखि रोकिएको जग्गाको कित्ताकाट खुलाउने निर्णय भएको छ । भूमि व्यवस्था सहकारी तथा गरिबी निवारण मन्त्रालयले यसअघिको निर्णय बदर गर्दै जग्गाको कित्ताकाट खुलाउने निर्णय गरेको हो ।
‘भू–उपयोग नियमावली जारी भई भू–उपयोग नक्सा/डाटा तयार गर्दै स्थानीय तहलाई हस्तान्तरण भएपछि सोका आधारमा हुने गरी हाललाई भू–उपयोग ऐन, २०७६ र प्रचलित कानुनको परिधिमा रही जग्गाको कित्ताकाटसम्बन्धी व्यवस्था खुलाउन विभागमार्फत मातहत कार्यालयहरूमा निर्देशन दिने निर्णय भएको छ,’ मन्त्रालयको सूचनामा उल्लेख छ ।
