काठमाडौं । नेपाली कांग्रेसको १५औँ महाधिवेशनअन्तर्गत उपसभापति र महामन्त्री पदको मतगणना जारी रहँदा खुला उपसभापतिमा डा. चन्द्र भण्डारी र खुला महामन्त्रीमा प्रदीप पौडेलले अग्रता कायम राखेका छन्।
हालसम्म ३ हजार ४३५ मत गणना हुँदा दुवै उम्मेदवारले प्रतिस्पर्धीभन्दा बढी मत प्राप्त गर्दै आफ्नो अग्रता कायम राखेका हुन्।महाधिवेशनमा विभिन्न पदका लागि भएको निर्वाचनको मतगणना जारी रहेकाले उम्मेदवारहरूको मतपरिणाम क्रमशः सार्वजनिक भइरहेको छ।खुला तथा समावेशी उपसभापति र खुला तथा महिला महामन्त्री पदका उम्मेदवारले प्राप्त गरेको मतका आधारमा नेतृत्व चयनको प्रतिस्पर्धा अघि बढिरहेको छ। अन्तिम परिणाम भने मतगणना सम्पन्न भएपछि मात्रै स्पष्ट हुनेछ।
