काठमाडौं। नेकपा एमालेका अध्यक्ष केपी शर्मा ओलीले गएराति धादिङमा भएको बस दुर्घटनामा ठूलो मानवीय क्षति भएकोमा दुःख व्यक्त गरेका छन् ।
सामाजिक सञ्जाल फेसबुकमार्फत अध्यक्ष ओलीले घटनाका मृतकप्रति श्रद्धाञ्जली दिँदै परिवारजनमा समवेदना प्रकट गरेका छन् ।
अध्यक्ष ओलीले दुर्घटनाका घाइतेको शिघ्र स्वास्थ्य लाभको कामना समेत गरेका छन् । पोखराबाट काठमाडौं आउँदै गरेको बस धादिङको भैँसीगौँडास्थित पृथ्वी राजमार्गमा दुर्घटना हुँदा १८ जनाको मृत्यु भएको छ । घटनामा २८ यात्रु घाइते भएका छन् ।
