काठमाडौं । राष्ट्रिय स्वतन्त्र पार्टीमा आवद्ध सागर ढकालले डडेलधुरा पुगेर माफी मागेका छन्।
रास्वपावरिष्ठ नेता बालेन्द्र साहसँगै सुदूरपश्चिम पुगेका उनले डडेलधुरामा खिचिएको तस्बिर फेसबुकमा राखेर डोटेली भाषामा माफी मागेका हुन्।
‘डडेलधुराका मान्छेहरूलाई धेरैधेरै धन्यवाद। तपाईंको १३ हजार ४२ मतले अब यो देश बनाउन लाग्या छ। ठूला सपना देख्दा साना–साना गल्ती हुन सक्छन्, माफ गरिदिनु होला’, उनले भनेका छन् ।
सागरले डडेलधुराबाट गुल्मी गए पनि भेट हुने बताएका छन् । ‘तपाईंको माया कहिल्यै नभुलुँला। डडेलधुराबाट गुल्मी जान लागेको छु, फेरि छिट्टै भेटौँला’, उनले भनेका छन् ।
डडेल्धुरामा २०७९ को प्रतिनिधिसभा निर्वाचन लडेका सागर अहिले गुल्मी–१ बाट उम्मेदवार छन् ।
