काठमाडौं । नेपाली कम्युनिष्ट पार्टीका संयोजक पुष्पकमल दाहाल ‘प्रचण्ड’ले आसन्न प्रतिनिधिसभा सदस्य निर्वाचनमा रुकुम पूर्वबाट चुनाव लड्ने घोषणा गरेका छन् ।
शनिबार रुकुम पश्चिममा आयोजित नेकपाको एकता सन्देश सभालाई सम्बोधन गर्दै उनले आसन्न चुनाव रुकुम पूर्वबाट चुनाव लड्ने घोषणा गरे ।
सभामा उनले भने, ‘अहिलेको चुनाव रुकुमबाटै लड्छु । म पूर्वी रुकुमबाट लड्ने छु । पूर्वी रुकुमबाट चुनाव लड्ने भनेपछि पश्चिम रुकुम पनि आइरहन्छु भन्ने बुझिराख्नुहोला ।’
यसअघिको चुनावमा प्रचण्ड गोरखाबाट जितेका थिए भने त्यसअघि चितवनबाट विजयी भएका थिए । प्रचण्डले हरेक चुनावमा निर्वाचित क्षेत्र फेर्दै आएका छन् ।
